న్యూఢిల్లీ, మార్చి 27, (way2newstv.com)
బెజవాడ రౌడీయిజం నేపథ్యంలో రామ్ గోపాల్ వర్మ తెరకెక్కించిన ‘గాయం’ సినిమా గుర్తుందా? జగపతిబాబు హీరోగా నటించిన ఈ చిత్రం 1993లో రిలీజైంది. ఈ సినిమాలో హీరోయిన్గా నటించిన ఊర్మిళ మటోండ్కర్ బుధవారం రాహుల్ గాంధీ సమక్షంలో కాంగ్రెస్ పార్టీలో చేరారు. ప్రత్యక్ష రాజకీయాల్లో నా తొలి అడుగులను కాంగ్రెస్ పార్టీతో వేస్తున్నానని ఆమె ఈ సందర్భంగా తెలిపారు.
కాంగ్రెస్ గూటికి వర్మ హీరోయిన్
మనస్ఫూర్తిగా ప్రజాసేవ చేస్తానని ఆమె చెప్పారు. ఊర్మిళ ముంబై నార్త్ నుంచి లోక్ సభకు పోటీ చేస్తారని తెలుస్తోంది. ఈ స్థానం నుంచి బీజేపీ తరఫున గోపాల్ శెట్టి పోటీ చేస్తున్నారు. బీజేపీ సీనియర నేత శత్రుఘ్న సిన్హా కూడా త్వరలోనే కాంగ్రెస్ పార్టీలో చేరతారని వార్తలు వెలువడుతున్నాయి. 1980లో మరాఠీ చిత్రం జాకోల్తో బాలనటిగా సినిమాల్లో అడుగుపెట్టిన ఊర్మిళ.. కలియుగ్ చిత్రం ద్వారా బాలీవుడ్లోకి ఎంట్రీ ఇచ్చారు. 1994లో రామ్ గోపాల్ వర్మ డైరెక్షన్లో తెరకెక్కిన ‘రంగీలా’ చిత్రంతో ఆమె సూపర్ హిట్ అందుకున్నారు. తెలుగులో వర్మ డైరెక్షన్లో నాగార్జునతో కలిసి ‘అంతం’, జగపతిబాబుతో ‘గాయం’ చిత్రాల్లో ఆమె నటించారు.
