ట్విట్టర్లతో కాక రేపుతున్న మనోజ్ - Way2News TV - Breaking News, Latest News, Politics News, Business News

Hot

ట్విట్టర్లతో కాక రేపుతున్న మనోజ్

హైద్రాబాద్,మార్చి 23, (way2newstv.com)
ఎన్నికల వేళ మంచు మనోజ్ తన ట్వీట్లతో ట్విట్టర్‌లో కాకరేపుతున్నారు. తన తండ్రి మోహన్ బాబు శుక్రవారం తిరుపతిలో విద్యార్థులతో కలిసి రోడ్డెక్కిన సంగతి తెలిసిందే. శ్రీ విద్యానికేతన్ విద్యా సంస్థల్లో చదువుతోన్న విద్యార్థులకు టీడీపీ ప్రభుత్వం ఫీజు రియింబర్స్‌మెంట్ బకాయిలను చెల్లించడంలేదని ఆరోపిస్తూ మోహన్‌బాబు నడిరోడ్డుపై ధర్నాకు దిగారు. అయితే, దీనిపై టీడీపీ ఘాటుగానే స్పందించింది. మోహన్‌బాబు విద్య పేరుతో వ్యాపారం చేస్తున్నారని, వైసీపీకి కొమ్ముకాస్తూ ఎన్నికల సమయంలో ప్రభుత్వంపై అసత్యాలను ప్రచారం చేస్తున్నారని టీడీపీ నేత కుటుంబరావు తీవ్ర స్థాయిలో ధ్వజమెత్తారు. కుటుంబరావు వ్యాఖ్యలకు కౌంటర్‌గా మంచు మనోజ్ శనివారం ట్విట్టర్ ద్వారా పలు ప్రశ్నలు సంధించారు. శ్రీ విద్యానికేతన్‌కు ప్రభుత్వం చెల్లించాల్సిన ఫీజు రీయింబర్స్‌మెంట్ బకాయిల లెక్కలను ప్రజల ముందు ఉంచారు. మనోజ్ ట్వీట్లకు విపరీతంగా స్పందన వస్తోంది. ఆయనకు మద్దతు పలుకుతూ కొంత మంది నెటిజన్లు కామెంట్లు పెడుతుండగా.. మరికొందరు మనోజ్‌ను, మోహన్‌బాబును వ్యతిరేకిస్తున్నారు. ఈ సమయంలో ఓ ఆసక్తికర చర్చ ట్విట్టర్‌ వేదికగా జరిగింది. 


ట్విట్టర్లతో కాక రేపుతున్న మనోజ్

ఈ ఎన్నికల్లో తాను కచ్చితంగా జనసేనకే మద్దతు తెలియజేస్తానని ఓ నెటిజన్ అడిగిన ప్రశ్నకు మనోజ్ స్పష్టం చేశారు. దీనికి ఓ అభిమాని రిప్లై ఇస్తూ.. ‘అన్న చిన్న డౌట్, ఇప్పుడు ఏ పార్టీకి అయినా సపోర్ట్ చేయన్న, అది నీ ఇష్టం. కానీ, ఓ 5/10 సంవత్సరాల తరవాత తారక్ అన్న రాజకీయాల్లోకి వస్తే ఆయనకు తోడుగా ఉంటావా అన్న’ అని ప్రశ్నించాడు. దీనికి మనోజ్ స్పందించారు. ‘తారక్ వస్తే ఇక నేను ఎటు వెళ్తాను తమ్ముడు?! నా మిత్రుడి రాక కోసం ఎదురుచూస్తున్నాం. తారక్ ప్రాణానికి నా ప్రాణం అడ్డు’ అని మనోజ్ పేర్కొన్నారు. తారక్ గురించి మనోజ్ ఇచ్చిన సమాధానానికి ఇంకో అభిమాని మరో ప్రశ్నను సంధించాడు. ‘అన్న తారక్ ఏ పార్టీలోకి వస్తే ఆ పార్టీకి సపోర్ట్ చేయడం కాదు. ఏ పార్టీ వల్ల ప్రజలకు న్యాయం జరుగుతుందో ఆ పార్టీకి సపోర్ట్ చెయ్యి. అది తారక్ పార్టీ అయినా పర్లేదు. మీ వల్ల ప్రజలకు ఇంకా మంచి జరుగుతుందని ఆశిస్తున్నాం’ అని కామెంట్ చేశాడు. దీనికి మనోజ్ సమాధానం ఇస్తూ.. ‘తారక్ వచ్చినప్పుడు అన్నీ బాగుంటాయని నా గట్టి నమ్మకం’ అని ట్వీట్ చేశారు. మొత్తానికి జూనియర్ ఎన్టీఆర్‌పై తనకున్న అభిమానాన్ని మరోసారి మనోజ్ చాటుకున్నారు. మనోజ్ ట్వీట్లు చూసి ఎన్టీఆర్ అభిమానులు తెగ సంబరపడిపోతున్నారు