ప్రధాన్ మంత్రి జన్ ధన్ యోజన (పీఎంజేడీవై) చాలా పాపులర్ స్కీమ్. కేంద్ర ప్రభుత్వం దీన్ని ప్రవేశపెట్టింది. దేశంలో ప్రతి ఒక్కరికీ బ్యాంక్ సేవలు అందుబాటులోకి తీసుకురావాలనే లక్ష్యంతో ప్రధాని మోదీ ఈ పథకాన్ని ప్రారంభించారు. దీని కింద జీరో బ్యాలెన్స్‌తో బ్యాంక్ అకౌంట్‌ను ఓపెన్ చేయవచ్చు. పాస్‌పోర్ట్, డ్రైవింగ్ లైసెన్స్, పాన్ నెంబర్, ఓటర్ కార్డు, ఆధార్ కార్డు వంటి పలు డాక్యుమెంట్ల సాయంతో జన్ ధన్ అకౌంట్‌ను ప్రారంభించొచ్చు. దాదాపు అన్ని బ్యాంకులు జన్ ధన్ అకౌంట్ సేవలు అందిస్తున్నాయి.
జన్ ధన్ అకౌంట్లలో 2 లక్షల వరకు ప్రమాద భీమా
✺ జన్ ధన్ అకౌంట్ ఖాతాదారులు రూ.2 లక్షల ఉచిత ప్రమాదపు బీమా కవరేజ్ (యాక్సిడెంటల్ ఇన్సూరెన్స్ కవర్) లభిస్తుంది. అలాగే రూ.30,000 జీవిత బీమా కవరేజ్ (లైఫ్ కవర్) అందుతుంది.
✺ అలాగే జన్ ధన్ స్కీమ్ కింద బ్యాంక్ అకౌంట్ ఓపెన్ చేసిన వారు రూ.10,000 వరకు ఓవర్‌డ్రాఫ్ట్ ఫెసిలిటీ ఉంది. ఒక ఇంట్లో ఒక అకౌంట్‌కు మాత్రమే ఈ సౌకర్యం లభిస్తుంది.
✺ జన్ ధన్ అకౌంట్ కలిగిన వారికి మొబైల్ బ్యాంకింగ్ ఫెసిలిటీ కూడా ఉంటుంది.
✺ అకౌంట్‌లోని డబ్బులకు లేదా డిపాజిట్లకు వడ్డీ వస్తుంది.
✺ ఈ ఖాతాదారులకు మినిమమ్ బ్యాలెన్స్ రూల్స్ వర్తించవు. అకౌంట్‌లో కొంత డబ్బులు కలిగి ఉండాలనే నిబంధనలు లేవు.
✺ ప్రభుత్వ పథకాలకు సంబంధించిన నగదు బదిలీ, సబ్సిడీ ట్రాన్స్‌ఫర్ ప్రయోజనాలు డైరెక్ట్‌గా ఈ ఖాతాలోకి జమవుతాయి.
✺ రూపే డెబిట్ కార్డును ఉచితంగా పొందొచ్చు
