జగన్ తన క్యాబినెట్‌లో అన్ని సామాజిక వర్గాలకు ప్రాధాన్యం కల్పించారు. ఎక్కువగా సీనియర్లకు అవకాశమిచ్చిన జగన్, తొలి నుంచి తనకు విధేయులుగా ఉన్న వారిని మంత్రులుగా నియమించారు. సీనియర్లతోపాటు యువరక్తానికి చోటుకల్పించి సమతూకాన్ని పాటించారు. ఇక, మంత్రుల విద్యార్హతల విషయానికి వస్తే పదో తరగతి నుంచి పీహెచ్‌డీ పూర్తిచేసిన మంత్రులు కూడా ఉన్నారు. వీరిలో పట్టభద్రులే అధికంగా ఉన్నారు. మొత్తం 25 మంది మంత్రుల్లో డిగ్రీదాకా చదివినవారు 10 మంది ఉండగా, నలుగురు పదో తరగతి చదివారు. ఇద్దరు వైద్యులు, మరో ఇద్దరు పీహెచ్‌డీ, మరో ముగ్గురు పోస్టుగ్రాడ్యుయేషన్‌ పూర్తిచేశారు. ఒకరు ఎల్ఎల్బీ, ఇంకొకరు బీటెక్, ఇద్దరు డిగ్రీని మధ్యలోనే ఆపేశారు. వీరిలో పెద్దిరెడ్డి రామచంద్రారెడ్డి, ఆదిమూలపు సురేష్‌ పీహెచ్‌డీ చేశారు. అనిల్‌కుమార్‌ యాదవ్‌ బీడీఎస్‌, మేకతోటి సుచరిత ఆయుర్వేద మెడిసిన్‌లో డిగ్రీ చదివారు. మాలగుండ్ల శంకర్‌నారాయణ ఎల్ఎల్బీ, బుగ్గన రాజేంద్రనాథ్‌రెడ్డి బీటెక్, కురసాల కన్నబాబు, తానేటి వనిత, మేకపాటి గౌతంరెడ్డి పీజీ పూర్తి చేశారు.
కేబినెట్ లో టెన్త్ నుంచి పీహెచ్ డీ దాకా
1. ధర్మాన కృష్ణదాస్‌- బీకాం
2. బొత్స సత్యనారాయణ- బీఏ
3. పాముల పుష్ప శ్రీవాణి- బీఎస్సీ
4. ముత్తంశెట్టి శ్రీనివాసరావు (అవంతి శ్రీనివాస్)- ఇంటర్మీడియెట్
5. పిల్లి సుభాష్‌ చంద్రబోస్‌- బీఎస్సీ
6. పినిపె విశ్వరూప్‌- బీఎస్సీ, బీఈడీ
7. కురసాల కన్నబాబు- ఎంఏ
8. తానేటి వనిత- ఎమ్మెస్సీ
9. చెరుకువాడ శ్రీరంగనాథరాజు- ఇంటర్మీడియట్
10. ఆళ్ల కాళీకృష్ణ శ్రీనివాస్ (నాని)- బీకాం
11. కొడాలి నాని- పదో తరగతి
12. వెల్లంపల్లి శ్రీనివాస్- పదో తరగతి
13. పేర్ని వెంకట్రామయ్య (నాని)- బీకాం
14. మేకతోటి సుచరిత- బీఏఎంఎస్
15. మోపిదేవి వెంకటరమణ- బీకాం
16. బాలినేని శ్రీనివాసరెడ్డి- ఇంటర్మీడియెట్
17. ఆదిమూలపు సురేశ్‌- ఐఆర్‌ఎస్‌
18. మేకపాటి గౌతమ్‌రెడ్డి- ఎమ్మెస్సీ (టెక్స్‌టైల్స్‌)
19. అనిల్‌కుమార్‌ యాదవ్‌- బీడీఎస్‌
20. బుగ్గన రాజేంద్రనాథ్‌రెడ్డి- బీఈ
21. గుమ్మనూరు జయరాం- పదోతరగతి
22. పెద్దిరెడ్డి రామచంద్రారెడ్డి- ఎంఏ, పీహెచ్‌డీ (సోషియాలజీ),
23. కె.నారాయణస్వామి- బీఎస్సీ
24. అంజాద్‌ బాషా- బీఏ,
25. యం. శంకరనారాయణ- బీకాం, ఎల్ఎల్బీ
