ప్రజా వేదిక అక్రమ కట్టడంతో కూల్చివేత :జగన్ - Way2News TV - Breaking News, Latest News, Politics News, Business News

Hot

ప్రజా వేదిక అక్రమ కట్టడంతో కూల్చివేత :జగన్

విజయవాడ, జూలై 18 (way2newstv.com)
ప్రజావేదిక అక్రమ కట్టడం కాబట్టే.. దాన్ని కూల్చివేశామని ఏపీ సీఎం వైఎస్ జగన్ అసెంబ్లీలో స్పష్టం చేశారు. సుప్రీం కోర్టు తీర్పు ప్రకారమే తాను ఉంటున్న ఇంటిని రమేశ్ నిర్మించారని బాబు చేసిన వ్యాఖ్యల పట్ల జగన్ స్పందించారు. తను ఉంటున్న ఇంటికి పంచాయతీ పర్మిషన్ ఉందని బాబు చెప్పారు. స్విమ్మింగ్ పూల్ నిర్మాణానికి వైఎస్ హయాంలోనే అనుమతులు ఇచ్చారన్నారు. ఈ వ్యాఖ్యల పట్ల జగన్ స్పందిస్తూ.. చంద్రబాబు సత్యదూరమైన మాటలు మట్లాడారన్నారు. చంద్రబాబు మాట్లాడాక నేను క్లారిఫికేషన్ ఇస్తాను. ఆ తర్వాత మీరు మళ్లీ ఆయనకు మైక్ ఇస్తున్నారు. మళ్లీ నేను క్లారిఫికేషన్ ఇవ్వాల్సి వస్తోంది.. ఈ పరిస్థితి కొనసాగితే మరో ప్రశ్న అడగటానికి ఆస్కారం ఉండదు. తర్వాతి సమావేశాల్లోనైనా ఈ పరిస్థితి మారాలని ఆయన స్పీకర్‌ను కోరారు.ప్రజావేదిక కూల్చివేత విషయమై జగన్ మాట్లాడుతూ.. ‘‘ప్రజావేదికను కూల్చొద్దంటూ చంద్రబాబు కోర్టుకు వెళ్లారు. 
ప్రజా వేదిక అక్రమ కట్టడంతో కూల్చివేత :జగన్

అదేదో జాతీయ సమస్య అన్నట్టుగా ఆయన న్యాయస్థానాన్ని ఇబ్బంది పెట్టారు. రాత్రి 12 గంటల సమయంలో హౌస్ మోషన్ పిటిషన్ దాఖలు చేశారు. రాత్రి 2.30 గంటలకు కోర్టు తీర్పును వెలువరించింది. ప్రజావేదికను కూల్చడానికి కోర్టు పర్మిషన్ ఇచ్చింది. సుప్రీం కోర్టు జడ్జిమెంట్ ఉందని బాబు అంటున్నారు. సుప్రీం జడ్జిమెంట్.. ప్రయివేట్ భూముల్లో అక్రమంగా నిర్మించిన వాటిని కూల్చొద్దని మాత్రమే చెప్పింది. అంతేగానీ నదుల పక్కన నిర్మించిన వాటిని కాదు. ఆ తీర్పును చంద్రబాబు తనకు అనుకూలంగా అన్వయించుకుంటున్నారు. సుప్రీం జడ్జిమెంట్ ఉన్నా.. ప్రజావేదిక కూల్చివేతకు హైకోర్టు ఎందుకు అంగీకరించింద’’ని జగన్ ప్రశ్నించారు. చంద్రబాబు హయాంలో తీసుకొచ్చిన బిల్లు కూడా వరద ప్రవాహం స్థాయిని ప్రస్తావించిందన్న జగన్.. తాను సీఎం అనే గర్వంతోనే బాబు ఇలా చేశారన్నారు. భూమిని తవ్వి స్విమ్మింగ్ పూల్ నిర్మిస్తారు కాబట్టి.. రివర్ కన్జర్వేటర్ దానికి అంగీకరించి ఉండొచ్చు. స్విమ్మింగ్ పూల్‌కి, బిల్డింగ్ నిర్మాణానికి ఒకే రూల్ వర్తిస్తుందని బాబు చెప్పడం ఆశ్చర్యంగా ఉంది. ప్రతి అంశం నుంచి రాజకీయ లబ్ది పొందాలనే బాబు చూస్తున్నారని జగన్ మండిపడ్డారు. ‘గరిష్ట వరద వచ్చినప్పుడు.. ఆ ప్రవాహాన్ని అడ్డుకునేలా చంద్రబాబు నివాసాన్ని నిర్మించారు. నేను ఆ ఇంట్లోనే ఉంటాను.. అక్కడి నుంచి కదలననే బాబు మనస్తత్వం చూస్తుంటే బాధగా ఉంది. ఒక స్థాయి ఉన్న వ్యక్తులే.. నేను ఇక్కడే ఉంటా..? నా బిల్డింగ్ కూలగొట్టే ధైర్యం మీకు ఉందా? అన్నట్టుగా వ్యవహరిస్తే.. ఈ మనిషికి బుర్ర ఉందా..? అనిపిస్తోందని బాబుపై జగన్ ఘాటైన విమర్శలు చేశారు.