హైద్రాబాద్, సెప్టెంబర్ 26, (way2newstv.com)
సైరా'...మెగాస్టార్ చిరంజీవి నటించిన ఈ భారీ సినిమా రిలీజ్ డేట్ దగ్గరికి వస్తుంది. మౌనంగా చరిత్రలో కలిసిపోయిన ఒక కొత్త చరిత్రను వెండితెరపై ఆవిష్కరించడానికి రెండున్నరేళ్లుగా 200 వందలమంది పడ్డ కష్టం, 250 కోట్లతో రూపొందించిన ఒక అద్భుతం అందరిముందుకు రాబోతుంది. అయితే ఆ సినిమా ఎలా ఉండబోతుంది అనే విషయంపై అందరికి క్లారిటీ వచ్చింది.కానీ ఆ సినిమా క్లైమాక్స్ మాత్రం ఇలా ఉంటుంది అని ఇప్పటికే చాలా రిపోర్ట్స్ వచ్చాయి. నిజానికి ఉయ్యాలవాడ నరసింహారెడ్డిని బ్రిటిష్ వాళ్ళు ఉరితీశారు. కానీ మెగా మాస్ ఇమేజ్ ఉన్న చిరంజీవిని అలా చూపిస్తే ఫ్యాన్స్ ఎంతవరకు జీర్ణించుకుంటారు అనే విషయంపై చాలా తర్జనభర్జనలు నడిచాయి.
సైరా క్లైమాక్స్ లో అనుష్క
అలా చూపించకపోతే చరిత్రను వక్రీకరించినట్టు అవుతుంది. అది కూడా సినిమాకి ఇబ్బంది కలిగించే విషయమేఅందుకే ఇప్పుడు ఆ సినిమా క్లైమాక్స్ ఎలా ఉండబోతుంది అనేది యూనిట్ నుండి ఫీలర్స్ ద్వారా తెలియజేసే ప్రయత్నం చేస్తున్నారు. 'సైరా' క్లైమాక్స్‌లో కూడా నరసింహారెడ్డి ని ఉరి తియ్యడం అనేది ఉంటుంది. కానీ మరీ ఆయన తలను కోటగుమ్మానికి వేలాడతీయడం వంటి సీన్స్ మాత్రం ఉండవు అని తెలుస్తుంది. అలాగే చిరంజీవి లేకుండా చివరి అరగంట సినిమా నడుస్తుంది అని ముందు వార్తలు వచ్చాయి. వాటిలో కూడా నిజం లేదు. నరసింహారెడ్డి పాత్ర ముగించిన తరువాత కేవలం 5 నిమిషాల నిడివి ఉన్న సినిమా మాత్రమే ఉంటుంది. ఉయ్యాలవాడ యోధుడు మొదలుపెట్టిన ఉద్యమం, ఆయన నింపిన స్వాతంత్య్ర స్ఫూర్తి తెల్లవాళ్ళకు వ్యతిరేకంగా మొదలైన మిగిలిన పోరాటాలకు ఎలా ఊతంగా నిలిచింది, ఎలా ఊపిరిలూదింది అనేది చూపిస్తారు అని తెలుస్తుంది.అయితే నరసింహారెడ్డి లాంటి వ్యక్తి జరిపిన పోరాటం తరువాత కూడా అదే రేంజ్‌కి తగ్గట్టుగా పవర్ ప్యాక్డ్‌గా సినిమా ఎండ్ అవ్వాలి కాబట్టి అనుష్క ఝాన్సీలక్ష్మి భాయ్‌గా రంగంలోకి దిగుతుంది అని తెలుస్తుంది. ఒక వీరుడు మరణించినా అతను పోరాడిన లక్ష్యం వైపు నడక ఆగలేదు అనేది సినిమా ఎండ్ నోట్. లక్ష్మి భాయ్ ఎపిసోడ్స్ నుండి పవన్ కళ్యాణ్ వాయిస్‌తో సినిమా ఎండ్ అవుతుంది.ఇలా ఎక్కడా కూడా 'సైరా' గ్రాఫ్ తగ్గకుండా ఉండేలా సినిమాని తెరకెక్కించారు. అందుకే తన సినిమా గురించి రిలీజ్ ముందు పెద్దగా మాట్లాడడానికి ఇష్టంలేని చిరంజీవి కూడా ఈ సారి మాత్రం అంతా ఆశ్చర్యపోయేలా సినిమా గురించి చెప్పుకొచ్చాడు.'సైరా'కి కీలకం అని అంతా మాట్లాడుకుంటున్న సెకండ్ హాఫ్ గురించి, క్లైమాక్స్ గురించి ఒక క్లారిటీ వచ్చింది కాబట్టి ఆ విషయంలో కూడా ఎవ్వరూ కంగారుపడక్కర్లేదు. థియేటర్స్‌లో 'సైరా' వీరంగాన్ని చూసి ఫుల్లుగా ఎంజాయ్ చెయ్యొచ్చు
