ముంబై, డిసెంబర్ 14 (way2newstv.com)
కీలకమైన ధ్రువీకరణ పత్రాల్లో ఆధార్ కార్డు కూడా ఒకటి. కేంద్ర రాష్ట్ర ప్రభుత్వాల సంక్షేమ పథకాల ప్రయోజనాలు పొందాలంటే ఆధార్ కచ్చితంగా ఉండాల్సిందే. అంతేకాకుండా ఇంకా ఆధార్ కార్డు పలు వాటికి ఐడెంటిఫికేషన్ డాక్యుమెంట్‌గా కూడా పని చేస్తుంది.ఆధార్ కార్డు కొన్ని సందర్భాల్లో కనిపించకుండాపోవచ్చు. అయితే ఇలాంటప్పుడు టెన్షన్ పడాల్సిన అవసరం లేదు. ఆధార్ కార్డును సులభంగానే తిరిగి పొందొచ్చు. దీని కోసం ఆధార్ సెంటర్‌కు వెళ్లాల్సిన అవసరం కూడా లేదు. ఇంట్లో కూర్చొని పని పూర్తి చేసుకోవచ్చు.
ఎంఆదార్ యాప్ తో మార్పులు
యూనిక్యూ ఐడెంటిఫికేషన్ అథారిటీ ఆఫ్ ఇండియా ఇటీవల కొత్త ఎం ఆధార్ యాప్‌ను లాంచ్ చేసింది. దీన్ని గూగుల్ ప్లేస్టోర్‌కు వెళ్లి డౌన్‌లోడ్ చేసుకోవచ్చు. ఈ యాప్ యూజర్ ఫ్రెండ్లీగా ఉంది. దీంతో ఎన్నో రకాల సేవలు పొందొచ్చు. కొత్త ఆధార్ కార్డు కూడా తీసుకోవచ్చు.కొత్త ఎంఆధార్ యాప్‌తో ఆధార్ కార్డు డౌన్‌లోడ్, ఆఫ్‌లైన్ కేవైసీ, స్కాన్ క్యూఆర్ కోడ్, అప్‌డేట్ అడ్రస్, వెరిఫై ఆధార్, వెరిఫై ఈమెయిల్, యూఐడీ/ఈఐడీ తిరిగి పొందటం, అడ్రస్ వ్యాలిడేషన్ లెటర్ కోసం రిక్వెస్ట్ పెట్టుకోవడం వంటి చాలా సర్వీసులు పొందొచ్చు. వీటితోపాటు ఆధార్ రిప్రింట్ కోసం కూడా రిక్వెస్ట్ పెట్టుకోవచ్చు.ఆధార్ రిప్రింట్ కోసం రిక్వెస్ట్ పెట్టుకుంటే రూ.50 చెల్లించాల్సి వస్తుంది. అప్పుడు కొత్త ఆధార్ కార్డు 15 రోజుల్లోగా మీ ఇంటికి వచ్చేస్తుంది. ఇకపోతే ఎంఆధార్ యాప్‌లో ప్రధానంగా ఆధార్ సర్వీసెస్ డ్యాష్‌బోర్డు, మై ఆధార్ అనే రెండు సెక్షన్లు ఉంటాయి. ఈ యాప్ తెలుగు సహా 13 ప్రాంతీయ భాషల్లో అందుబాటులో ఉంది.
