గరుడ సేవకు అంతా సిద్ధం - Way2News TV - Breaking News, Latest News, Politics News, Business News

Hot

గరుడ సేవకు అంతా సిద్ధం

తిరుమల, అక్టోబరు 3, (way2newstv.com)
తిరుమలలో శ్రీవారి వార్షిక సాలకట్ల బ్రహ్మోత్సవాలు అంగరంగ వైభవంగా సాగుతున్నాయి. ఉత్సవాల్లో వాహనసేవలు ముఖ్యమైనవి. ఈ తొమ్మిది రోజులూ స్వామివారికి ఉదయం, సాయంత్రం జరిగే వాహన సేవలు ప్రధాన ఆకర్షణగా నిలుస్తాయి. శ్రీదేవి భూదేవి సమేత శ్రీమలయప్పస్వామి మాడ వీధుల్లో విహరిస్తూ భక్తులను అనుగ్రహిస్తారు. ఇక, శ్రీవారికి జరిగే వాహన సేవల్లో అత్యంత కీలకమైనది గరుడ సేవ. వేద స్వరూపుడైన గరుత్మంతుడు వైదికములైన సామాధులకు ప్రతిరూపాలైనా అంగప్రత్యాంగాలు కలవాడు. శ్రీమహావిష్ణువు గరుడ సమ్మేళనం, వేదస్వరూప శీర్షాలుగా తెలుస్తుంది. దాసుడిగా, మిత్రుడిగా, విసనకర్రగా, అసనంగా, అవాసంగా, ధ్వజంగా అనేక విధాలుగా గరుత్మంతుడు శ్రీనివాసుడిని సేవిస్తున్నాడు. 
గరుడ సేవకు అంతా సిద్ధం

అంతేకాదు, శ్రీవేంకటేశ్వరస్వామి బ్రహ్మొత్సవాల సమయంలో ముక్కోటి దేవతలకు ఆహ్వానం పలికేదే గరుత్మంతుడే.గరుడ వాహనంపై విహరించే ఉత్సవమూర్తికి ద్రువభేరమైన స్వామికి భేదంలేదని చెప్పడానికే, నిత్యం మూలమూర్తి అభరణాలైనా మకరకంఠి, సహాస్రనామ మాల, లక్ష్మీహారాలను గరుడ సేవలో అలంకరిస్తారు. గరుడోత్సవంలో స్వామి ఒక్కరే పాల్గొంటారు. ప్రసన్న వదనుడిగా గరుత్మంతుడిపై ఊరేగే శ్రీనివాసుని దర్శించడం ద్వారా సకల సౌభాగ్యాలు కలుగుతాయని భక్తుల ప్రగాడా విశ్వాసం. స్త్రీ పురుషలలో ఎవరు ఎక్కువన్న లింగ భేధాలను తన భక్తులు విడనాడాలన్నదే ఇందులోని అంతరార్థం.గరుడ వాహనంపై ఉన్న స్వామివారిని దర్శించడం ద్వారా సర్పదోష శాంతి, దివ్యమైన జ్ఞానం కలుగుతుందని ప్రశస్తి. సమస్త వాహనాలలో సర్వశ్రేష్ఠమైన గరుడవాహనంపై ఉన్న స్వామిని దర్శిస్తే, స్వర్గం ప్రాప్తించి, ఇహపరమైన ఈతి బాధల నుంచి ఉపశమనం లభిస్తుంది. కాబట్టి, బ్రహ్మోత్సవాల్లో గరుడ సేవ విశిష్టత సంతరించుకుంది. ఈ నేపథ్యంలో శ్రీ‌వారి గ‌రుడ‌సేవ‌కు భారీగా భక్తులు తరలివస్తారు. ఈ ఏడాది బ్రహ్మోత్సవాల్లో భాగంగా శుక్రవారం  శ్రీవారికి గరుడ వాహనసేవ నిర్వహించనున్నారు. గరుడ సేవకు టీటీడీ సైతం విస్తృత ఏర్పాట్లు చేస్తోంది. తిరుమలకు విచ్చేసే భ‌క్తుల‌కు ఎలాంటి ఇబ్బంది కలగకుండా పటిష్ట చర్యలు చేపట్టారు.తిరుమలకు విచ్చేసే భ‌క్తుల‌కు ప్ర‌ధాన‌మైన వసతి, క‌ల్యాణ‌క‌ట్ట‌, ద‌ర్శ‌నం, అన్న‌ప్ర‌సాదాలు, పారిశుధ్యం, ఇతర సౌకర్యాల గురించి సంబంధిత విభాగాల వారిగా సమీక్ష నిర్వహించారు.