Way2News TV - Breaking News, Latest News, Politics News, Business News

Hot

అమరావతి బాండ్లకు భారీగా ఇన్వెస్టర్లు

August 15, 2018
విజయవాడ, ముంబై, ఆగస్టు 15, (way2newstv.com)
నవ్యాంధ్ర రాజధాని అమరావతి బాండ్లు ఇన్వెస్ట‌ర్ల‌కు అందుబాటులో వ‌చ్చాయి. అమరావతి నిర్మాణానికి నిధులు సేకరించే పనిలో భాగంగా ఆంధ్రప్రదేశ్‌ ప్రభుత్వం అమరావతి షేర్లను స్టాక్‌ ఎక్ఛ్సేంజీలో అమ్మకానికి పెట్టింది. మ‌న దేశంలో ఓ రాజధాని నిర్మాణం కోసం బాండ్లు రిలీజ్ చేయ‌డం ఇదే తొలిసారి. ఈ బాండ్లు రూ.10 లక్షల ముఖ విలువతో సంస్థాగత మదుపర్లకు మాత్రమే అందుబాటులో ఉంటాయి. తొలి విడతలో భాగంగా రూ.1,300 కోట్ల నిధుల సేకరణకు అమరావతి బాండ్లను సీఆర్‌డీఏ విడుదల చేసింది. బీఎస్‌ఈలో మంగళవారం ఉదయం 11 గంటల నుంచి ఎలక్ట్రానిక్‌ బిడ్డింగ్‌ ప్లాట్‌ఫాం ద్వారా తొలివిడతలో 600 బాండ్లు విక్రయానికి అందుబాటులో ఉంచారు. 
 
 
 
అమరావతి బాండ్లకు భారీగా ఇన్వెస్టర్లు
 
వీటిపై మదుపర్లు ఆసక్తి చూపడంతో త్వరగానే అమ్ముడుపోయాయి. మధ్యహ్నం 12 గంటల తర్వాత మరిన్ని బాండ్లు అందుబాటులో ఉంచనున్నట్లు తెలుస్తోంది. బాండ్ల విక్రయాలను సీఆర్‌డీఏ కమిషనర్‌ శ్రీధర్‌ సహా ఉన్నతాధికారులు కార్యాలయం నుంచే పర్యవేక్షిస్తున్నారు. నవ్యాంధ్ర రాజధాని అమరావతి బాండ్లు ఇన్వెస్ట‌ర్ల‌కు అందుబాటులో వ‌చ్చాయి. అమరావతి నిర్మాణానికి నిధులు సేకరించే పనిలో భాగంగా ఆంధ్రప్రదేశ్‌ ప్రభుత్వం అమరావతి షేర్లను స్టాక్‌ ఎక్ఛ్సేంజీలో అమ్మకానికి పెట్టింది. మ‌న దేశంలో ఓ రాజధాని నిర్మాణం కోసం బాండ్లు రిలీజ్ చేయ‌డం ఇదే తొలిసారి. ఈ బాండ్లు రూ.10 లక్షల ముఖ విలువతో సంస్థాగత మదుపర్లకు మాత్రమే అందుబాటులో ఉంటాయి. తొలి విడతలో భాగంగా రూ.1,300 కోట్ల నిధుల సేకరణకు అమరావతి బాండ్లను సీఆర్‌డీఏ విడుదల చేసింది. ఎలక్ట్రానిక్‌ బిడ్డింగ్‌ ప్లాట్‌ఫాం ద్వారా తొలివిడతలో 600 బాండ్లు విక్రయానికి అందుబాటులో ఉంచారు. వీటిపై మదుపర్లు ఆసక్తి చూపడంతో త్వరగానే అమ్ముడుపోయాయి. మధ్యహ్నం 12 గంటల తర్వాత మరిన్ని బాండ్లు అందుబాటులో ఉంచనున్నట్లు తెలుస్తోంది. బాండ్ల విక్రయాలను సీఆర్‌డీఏ కమిషనర్‌ శ్రీధర్‌ సహా ఉన్నతాధికారులు కార్యాలయం నుంచే పర్యవేక్షిస్తున్నారు.
Read More

ఏడాదిలో 77 కోట్లు దాటేసిన ప్రియాంక

August 15, 2018
ముంబై, ఆగస్టు 15, (way2newstv.com)
ఇన్నాళ్లూ బాలీవుడ్ హీరోలు మాత్రమే తమ భారీ సంపాదనతో వార్తల్లో నిలిచే వాళ్లు. ఇప్పుడు హీరోయిన్లకు కూడా టైమొచ్చింది. వీళ్లు కూడా పదుల కోట్ల రూపాయల సంపాదనతో వార్తల్లోకి వస్తున్నారు. తాజాగా నటీమణి ప్రియాంక చోప్రా సంపాదన గురించి ‘ఫోర్బ్స్’ పత్రిక ఒక ఆసక్తిదాయకమైన కథనాన్ని ఇచ్చింది. దాని ప్రకారం.. ప్రియాంక గత ఏడాదిలో ఏకంగా 77 కోట్ల రూపాయల మొత్తాన్ని సంపాదించింది. సినిమాల ద్వారా, ఎండార్స్‌మెంట్ డీల్స్ ద్వారా ప్రియాంక ఈ మొత్తాన్ని సంపాదించిందని ఫోర్బ్స్ పేర్కొంది. ప్రస్తుతం ఈ బాలీవుడ్ నటీమణికి హాలీవుడ్‌లో కూడా అవకాశాలు ఉన్న సంగతి తెలిసిందే. అమెరికన్ సినిమాల్లో.. టీవీ షోల్లో మెరుస్తోంది ప్రియాంక. ఈ నేపథ్యంలో ఈమె సంపాదన గణనీయంగా పెరిగినట్టుగా తెలుస్తోంది. స్థూలంగా 2017 సంవత్సరంలో ప్రియాంక చోప్రా 77 కోట్ల రూపాయల మొత్తాన్ని సంపాదించిందని సమాచారం. ఈ మేరకు ప్రియాంక సంపాదనను ఫోర్బ్స్ అంచనా వేసింది. అయితే ఇందులో ప్రియాంక చోప్రా భారీగా పన్నును చెల్లించిందని కూడా ఆ పత్రిక పేర్కొంది. పన్నులన్నీ పోనూ ప్రియాంక గత ఏడాదిలో దాదాపు 56 కోట్ల రూపాయల మొత్తాన్ని ఇంటికి తీసుకెళ్లిందని అంచనా. ఇది కూడా భారీ మొత్తమే. ప్రస్తుతం ప్రియాంక వివిధ సినిమాలతో బిజీగా ఉంది. హాలీవుడ్ నటుడు నిక్ జోనస్‌తో ప్రేమాయణాన్ని నడిపిస్తోందనే ప్రచారాన్ని కూడా పొందుతోంది. 



ఏడాదిలో 77 కోట్లు దాటేసిన ప్రియాంక
Read More

ఉచితంగా గ్యాస్ సిలెండర్లు నెలకు 2500 నుంచి 3500 మధ్య జమ ఆకట్టుకుంటున్న జనసేన మ్యానిఫెస్టో

August 15, 2018
హైద్రాబాద్, ఆగస్టు 15, (way2newstv.com)
వచ్చే సాధారణ ఎన్నికలే లక్ష్యంగా జనసేన అధినేత, నటుడు పవన్ కల్యాణ్ ముందుకు వెళుతున్నారు. పోరాట యాత్ర పేరుతో ఏపీలోని జిల్లాల్లో పర్యటిస్తోన్న పవన్ రెండు రోజుల కిందట తొలిసారిగా హామీల గురించి మాట్లాడారు. ప్రస్తుతం పశ్చిమగోదావరిలో పర్యటిస్తోన్న జనసేనాని తన ఎన్నికల మేనిఫేస్టోను విడుదల చేశారు. మంగళవారం భీమవరంలోని మావుళ్లమ్మను దర్శించుకున్న పవన్, అనంతరం మేనిఫెస్టోను విడుదల చేశారు. ఇందులో ఏడు సిద్ధాంతాలు, 12 హామీలను పొందుపర్చారు. పవన్ పొందుపరిచిన సిద్ధాంతాలు.... కులాలను కలిపే ఆలోచనా విధానం, మత ప్రస్తావన లేని రాజకీయం, భాషలను గౌరవించే సంప్రదాయం, సంస్కృతులను కాపాడే సమాజం, ప్రాంతీయతను విస్మరించని జాతీయవాదం, అవినీతిపై రాజీలేని పోరాటం, పర్యావరణాన్ని పరిరక్షించే అభివృద్ధి ప్రస్థానం అని పేర్కొన్నారు. ఇక హామీల విషయంలో రెండు రోజుల కిందట స్పష్టంచేసిన అంశాలనే పొందుపరిచారు. 
 
 
 
ఉచితంగా గ్యాస్ సిలెండర్లు
నెలకు 2500 నుంచి 3500 మధ్య జమ
ఆకట్టుకుంటున్న జనసేన మ్యానిఫెస్టో
 
తాము అధికారంలోకి వస్తే మహిళలకు 33శాతం రాజకీయ రిజర్వేషన్లు, ఉచితంగా వంట గ్యాస్‌ సిలిండర్లు అందజేస్తామని అన్నారు. రేషన్‌కు బదులు మహిళల ఖాతాల్లో రూ.2500-3500 వరకు నగదు జమ, బీసీలకు అవకాశాన్ని బట్టి రాజకీయంగా 5 శాతానికి రిజర్వేషన్ల పెంపు, చట్టసభల్లో బీసీలకు రాజకీయ రిజర్వేషన్లు, కాపులకు 9వ షెడ్యూల్‌ ద్వారా రిజర్వేషన్ల కల్పిస్తామని హామీ ఇచ్చారు. అలాగే ఎస్సీ వర్గీకరణకు సామరస్య పరిష్కారం, ఆర్థికంగా వెనుకబడిన అగ్రవర్ణాల వారికి కార్పొరేషన్‌ ఏర్పాటు, ఆర్థికంగా వెనుకబడిన అగ్రవర్ణాల విద్యార్థులకు వసతిగృహాలు, ముస్లింల అభివృద్ధికి సచార్‌ కమిటీ విధానాలు అమలు చేస్తామని, ప్రభుత్వ ఉద్యోగులకు సీపీఎస్‌ విధానం రద్దుచేసి, వృద్ధుల కోసం ప్రభుత్వ ఆశ్రమాలను ఏర్పాటు చేయనున్నట్టు మేనిఫెస్టోలో స్పష్టం చేశారు. మహోన్నత వ్యక్తులు, మేధావులు ఎన్నో ఏళ్లు శోధించి, మధించి రూపొందించిన రాజ్యాంగ ప్రవేశికకు రాజకీయ పార్టీలు తూట్లు పొడిచాయని, సంపూర్ణమైన అభివృద్ధి నుంచి ప్రజలను దూరం చేశారని పవన్ ఆరోపించారు. సామాజికంగా, ఆర్థికంగా, రాజకీయంగానూ ప్రజలను విడదీశారని, కులమతాల పేరుతో బేధాలను సృష్టించి, భిన్నత్వంలో ఏకత్వాన్ని కాలరాశారని జనసేనాని వ్యాఖ్యానించారు. చెప్పింది చేయం.. చేసింది చెప్పమనే రీతిలో వంచన రాజకీయాలతో దేశాన్ని ఏలుతున్నారని మండిపడ్డారు. ఎన్నికల ముందు ఆర్బాటంగా మేనిఫేస్టోలను ప్రకటించే రాజకీయ పార్టీలు వాటిని ఎన్నికల అనంతరం మొక్కుబడిగా కూడా అమలుచేయకపోవడం ప్రజాస్వామ్యాన్ని అపహాస్యం చేయడమేనని అన్నారు.
Read More

పాక్ ఆర్మీకి సైనికులు రిప్లై

August 15, 2018
శ్రీనగర్, ఆగస్టు 15, (way2newstv.com)
సరిహద్దుల్లో పాక్ సైన్యం ఆగడాలను ఇండియన్ ఆర్మీ సమర్ధంగా తిప్పికొట్టింది. మంగళవారం ఉదయం కాల్పుల విరమణ ఒప్పందాన్ని మరోసారి పాకిస్థాన్ సైన్యం ఉల్లంఘించడంతో భద్రతా దళాలు ఎదురుదాడి చేసి శత్రువులకు తగిన బుద్దిచెప్పాయి. ఈ ఘటనలో ఇద్దరు పాకిస్థాన్ సైనికులు హతమయ్యారు. ఉత్తర కశ్మీర్‌లోని కుప్వారా జిల్లా తంగధర్‌లో పాకిస్థాన్ సైన్యం భారత పోస్టులపై కాల్పులకు పాల్పడటంతో ఆర్మీ ధీటుగా బదులిచ్చింది. సైన్యం ఎదురుకాల్పుల్లో ఇదర్దు పాక్ జవాన్లు హతమైనట్టు ఆర్మీ వర్గాలు వెల్లడించాయి.
 
 
 
 పాక్ ఆర్మీకి సైనికులు రిప్లై
 
 ‘తంగధర్ సెక్టార్‌లో చొరబాట్లను ప్రోత్సహించే క్రమంలో సోమవారం రాత్రి పాకిస్థాన్ సైన్యం కాల్పుల ఉల్లంఘన ఒప్పందానికి పాల్పడి ఆర్మీ స్థావరాలపై కాల్పులు జరిపింది.. దీన్ని భారత దళాలు సమర్ధంగా తిప్పికొట్టి ఎదురు కాల్పులకు జరపడంతో ఇద్దరు పాక్ సైనికులు హతమయ్యారు’ అని రక్షణశాఖ అధికార ప్రతినిధి రాజేశ్ కాలియా తెలిపారు. ఉగ్రవాదుల చొరబాటుకు సహకరించడానికి పాక్ సైన్యం చేసిన ప్రయత్నాలను ఆర్మీ సమర్ధంగా తిప్పికొట్టిందని ఆయన పేర్కొన్నారు. గత జులైలో పూంచ్‌ జిల్లాలోని నియంత్రణ రేఖ వెంబడి భారత ఆర్మీ పోస్టులు, పౌరుల నివాసాలే లక్ష్యంగా పాక్ సైన్యం జరిపిన కాల్పుల్లో టెరిటోరియల్‌ ఆర్మీ జవాన్, ఆయన భార్య మృతి చెందారు. వీరి పిల్లలు గాయపడ్డారు. పాక్‌ రేంజర్లు ఈ ఏడాదిలో ఇప్పటి వరకూ 224 సార్లు కాల్పుల విరమణ ఒప్పందానికి తూట్లు పొడిచింది.
Read More

విజయ్ తో రాశీఖన్నా చెట్టాపట్టాల్

August 14, 2018
హైద్రాబాద్, ఆగస్టు 14, (way2newstv.com)
‘అర్జున్ రెడ్డి’ హీరో విజయ్ దేవరకొండ సినిమా ప్రతిపాదనలు శరవేగంగా సాగుతున్నాయి. గత ఏడాది కాలంలో, అర్జున్ రెడ్డి తర్వాత ఈ హీరో ఫుల్ లెంగ్త్ సినిమాలేవీ విడుదల కాలేదనే చెప్పాలి. ‘మహానటి’లో విజయ్ నటించినా హీరోగా కాదు. ఈ నేపథ్యంలో ఇతడు హీరోగా  ‘గీతగోవిందం’ విడుదల కాబోతోంది. ఈ సినిమాపై భారీ అంచనాలున్నాయి. ఆ అంచనాలను ఇది ఏ మేరకు అందుకుంటుందనేది  ఈ పాటికి స్పష్టత వస్తుంది. ఇక విజయ్ తదుపరి సినిమాలు ప్రస్తుతం మేకింగ్ దశలో ఉన్నాయి. ‘నోటా’, ‘డియర్ కామ్రేడ్’ సినిమాలు రూపొందుతున్నాయి. అవి మాత్రమే గాక ‘మళ్లీ మళ్లీ ఇది రాని రోజు’ దర్శకుడు క్రాంతి మాధవ్ దర్శకత్వంలో విజయ్ ఒక సినిమాలో నటిస్తున్నాడు. ఆ సినిమాలో ఇప్పుడు హీరోయిన్ ఫిక్సయినట్టుగా తెలుస్తోంది. రాశీ ఖన్నాను ఎంచుకున్నారని సమాచారం. విజయ్ సరసన నటించడానికి రాశీ ఖన్నా కూడా గ్రీన్ సిగ్నల్ ఇచ్చేసినట్టుగా తెలుస్తోంది. వరసగా యంగ్ హీరోల సరసన నటిస్తోంది ఈ హీరోయిన్. ఇప్పుడు యూత్ క్రేజీ హీరో విజయ్ సరసన జత కడుతోంది. ‘గీతగోవిందం’ హిట్ అయితే విజయ్ దేవరకొండ తదుపరి సినిమాలపై అంచనాలు, ఆసక్తి మరింత పెరుగుతాయి.
 
 
 
విజయ్ తో  రాశీఖన్నా చెట్టాపట్టాల్
Read More

15 పాయింట్లు కోతతో....కోహ్లీ

August 14, 2018
ముంబై ,ఆగస్టు 14, (way2newstv.com)
ఇంగ్లాండ్‌తో లార్డ్స్‌ వేదికగా ఆదివారం ముగిసిన రెండో టెస్టులో పేలవ ప్రదర్శన కనబర్చిన భారత కెప్టెన్ విరాట్ కోహ్లీ.. ఐసీసీ టెస్టు నెం.1 ర్యాంక్‌ను చేజార్చుకున్నాడు. వారం క్రితం బర్మింగ్‌హామ్ వేదికగా జరిగిన తొలి టెస్టు.. రెండు ఇన్నింగ్స్‌ల్లో 149, 51 పరుగులు చేసిన విరాట్ కోహ్లి అగ్రస్థానానికి ఎగబాకిన విషయం తెలిసిందే. అయితే.. లార్డ్స్ టెస్టు రెండు ఇన్నింగ్స్‌ల్లో కోహ్లి పేలవంగా 23, 17 పరుగులే చేయడంతో అతని ఖాతాలో 15 పాయింట్లు కోత పడింది. దీంతో.. మళ్లీ ఆస్ట్రేలియా మాజీ కెప్టెన్ స్టీవ్‌స్మిత్ 929 పాయింట్లతో అగ్రస్థానానికి ఎగబాకాడు. తొలి టెస్టుకి ముందు కోహ్లి ఖాతాలో 903 పాయింట్లు ఉండగా.. ఒక శతకం, అర్ధశతకం బాదడంతో.. 30 పాయింట్లు పెరిగి 934తో అగ్రస్థానాన్ని దక్కించుకున్నాడు. అయితే.. తాజాగా అతని ఖాతాలో 15 పాయింట్లు కోత పడటంతో.. ప్రస్తుతం కోహ్లి 919 పాయింట్లతో నిలిచాడు. బాల్ టాంపరింగ్ కారణంగా.. స్టీవ్‌స్మిత్‌పై ఏడాది నిషేధం ఉండటంతో విరాట్ కోహ్లీ మళ్లీ టాప్ ర్యాంక్‌ సాధించే అవకాశాలు పుష్కలంగా ఉన్నాయి. ఇంగ్లాండ్‌తో శనివారం నుంచి మూడో టెస్టు మ్యాచ్ ప్రారంభంకానుంది. 2011, జూన్‌లో దిగ్గజ క్రికెటర్ సచిన్ టెండూల్కర్ ఐసీసీ టెస్టు ర్యాంకింగ్స్‌లో నెం.1 స్థానాన్ని దక్కించుకోగా.. ఆ తర్వాత ఆ ఘనత అందుకున్న భారత క్రికెటర్ విరాట్ కోహ్లీ మాత్రమే. 



15 పాయింట్లు కోతతో....కోహ్లీ
Read More

మోడీ విదేశీ పర్యటనల వెనుక....వ్యూహం...

August 14, 2018
ఢిల్లీ, ఆగస్టు 14, (way2newstv.com)
ప్రధాని మోడీ ఎప్పుడు చూసినా, ఎదో ఒక దేశం తిరుగుతూనే ఉంటారు.. దేశంలో ఉండేది తక్కువా, బయట తిరిగేది ఎక్కువ.. ఈ పర్యటనలను ఎగతాళి చేసే వారు ఉన్నారు, దేశం కోసం పాటుపడుతున్నారు అని సమర్ధించే వారు ఉన్నారు. అయితే, ఇవన్నీ కాదు, ప్రధని మోడీ విదేశీ పర్యటనల వెనుక మరో టార్గెట్ ఉందని, ఢిల్లీ వర్గాలు చెప్తున్నాయి. ప్రవాస భారతీయుల ఓట్లు టార్గెట్ చేస్తూ, మోడీ ఈ పర్యటనలు చేస్తున్నారని, ఢిల్లీ రాజకీయవర్గాల్లో వినిపిస్తున్న మాట. ప్రజా ప్రాతినిధ్య చట్టానికి సవరణ చేస్తూ ఓ బిల్లును లోక్‌సభలో ఆమోదించారు. దీని ఉద్దేశం విదేశాల్లో ఉన్న భారతీయులు పరోక్షంగా ఇక్కడ ఓటు వేసేందుకు వీలు కల్పించడం. ప్రధాని మోదీ గత నాలుగేళ్లలో ఏకంగా 84 దేశాల్లో పర్యటించారు. వీటికి అయిన మొత్తం ఖర్చు రూ. 1,484 కోట్లు. ఇన్ని వందల కోట్లు ఖర్చు చేసి విదేశాల్లో తిరిగి రావడం అనవసరమని విపక్షాలు పదేపదే దాడిచేశాయి. కానీ ఆయన వ్యూహం వేరు.. 
 
 
 
మోడీ విదేశీ పర్యటనల వెనుక....వ్యూహం...
 
వెళ్లిన ప్రతీచోటా భారత సంతతివారిని, ఎన్నారైలనూ కలవడం మోదీ షెడ్యూల్‌లో ఓ ముఖ్యాంశం. పెద్ద సంఖ్యలో ఎన్నారైలు  సభలకు వచ్చేవారు. తన ఆలోచనలను, ప్రభుత్వ లక్ష్యాలను ఆయన వారితో పంచుకునేవారు. ఇలా వారితో ఓ మానసిక అనుబంధాన్ని ఆయన పెంచుకోగలిగారు. వివిధ దేశాల్లో సగటున కోటీ పది లక్షల మంది ఎన్నారైలు ఉన్నట్లు ఓ అంచనా.మొత్తం 543 నియోజకవర్గాలకూ విభజిస్తే వీరి సంఖ్య- ఒక్కో నియోజకవర్గానికి 21,000 మందిగా తేలుతుంది. ఇది సామాన్యమైన సంఖ్య కాదు. చాలా చోట్ల ఫలితాన్ని ప్రభావితం చేయగలదు. ఈ ప్రవాసులంతా వచ్చే ఎన్నికల్లో ఓటు వేస్తే అది బీజేపీకి ఎంత లాభం? అంతేకాదు.. ఈ ఎన్‌ఆర్‌ఐలు భారత్‌లోని తమ కుటుంబ సభ్యులను, బంధుమిత్రులను కూడా ప్రభావితం చేయగలిగే స్థాయిలో ఉన్నారు. అది కూడా పార్టీకి లాభిస్తుంది. అందుకే వీళ్ల ఓట్లపై ప్రధాని మోదీ చాలాకాలం క్రితమే కన్నేశారు. వెళ్లిన ప్రతి దేశంలోనూ ప్రవాసీయులతో ప్రత్యేక సమావేశం ఏర్పాటు చేసి వేలాది మంది ఎన్నారైలలో జాతీయవాద అజెండాను బలంగా తీసుకెళ్లారు. ప్రాక్సీ ఓటింగ్‌  సౌకర్యం ఇన్నేళ్లూ కేవలం రక్షణ సిబ్బందికి మాత్రమే ఉండేది. ఎన్నారైలు ఇన్నాళ్లూ తాము ఓటరుగా రిజిస్టర్‌ చేయించుకున్న నియోజకవర్గంలో మాత్రమే ఓటు వేయడానికి అవకాశం ఉండేది. ఇపుడు వారు తమ తరఫున ఓటు వేసే ప్రతినిధిని నియమించుకోవచ్చు. ఎన్నారైలను విశేషంగా ఆయన ఆకట్టుకున్నారని, వారి ఓట్లు బీజేపీ అభ్యర్థులకే పడతాయని పార్టీ నేతలంటున్నారు. మొత్తానికి, పోల్ మ్యానేజ్మెంట్ లో దిట్టగా మోడీ-షా లను ఎందుకు అభివర్ణిస్తారో ఇప్పుడు అర్ధమైంది. నియోజకవర్గానికి 21,000 మందిని టార్గెట్ చేసుకుని, వీళ్ళు చేసిన వ్యూహం చూస్తే ఎవరికైనా దిమ్మ తిరగాల్సిందే...
Read More