28న ‘నారా హమారా..టీడీపీ హమారా’ - Way2News TV - Breaking News, Latest News, Politics News, Business News

Hot

28న ‘నారా హమారా..టీడీపీ హమారా’

గుంటూరు, ఆగస్టు 20, (way2newstv.com)
ఈనెల 28న ‘నారా హమారా..టీడీపీ హమారా’ నినాదంతో నిర్వహించే మైనారిటీల సదస్సు విజయవంతంపై నాయకులు దృష్టి సారించాలని ముఖ్యమంత్రి చంద్రబాబు ఆదేశించారు. సదస్సుకు మైనారిటీలంతా తరలివచ్చే ఏర్పాట్లు చేయాలన్నారు. రాష్టవ్య్రాప్తంగా మైనారిటీ నాయకులు, పార్టీ ముఖ్యులతో ఈ విషయమై చంద్రబాబు టెలీకాన్ఫరెన్స్ చర్చించారు. మైనారిటీల అభ్యున్నతికి, పేదరిక నిర్మూలనకు, నిరుద్యోగాన్ని రూపుమాపేందుకు ప్రభుత్వం నాలుగేళ్లుగా సంక్షేమ కార్యక్రమాలు అమలుచేస్తోందని చెప్పారు. ఉమ్మడి రాష్ట్రంలో సుమారు రూ.200 కోట్లు ఉన్న మైనారిటీల బడ్జెట్‌ను ప్రస్తుతం రూ వెయ్యి కోట్లకు పైగా పెంచామని గుర్తుచేశారు.
 
 
 
28న ‘నారా హమారా..టీడీపీ హమారా’
 
జిల్లాల్లో చేపట్టిన జలసంరక్షణ కార్యక్రమాల వల్ల చెరువుల్లో నీటిని నిల్వచేసి సంక్షోభం నుంచి బయటపడే ప్రయత్నాలు చేయాలని ముఖ్యమంత్రి చంద్రబాబునాయుడు నిర్దేశించారు. జిల్లా పార్టీ నాయకులు, ఎంపీటీసీలు, జడ్పీటీసీలు పాల్గొన్న ఈ టెలీకాన్ఫరెన్స్‌లో సీఎం మాట్లాడుతూ వర్షాభావ పరిస్థితులు ఉన్నప్పటికీ సమర్థ నీటి నిర్వహణ ద్వారా రైతులకు తగిన విధంగా అండగా నిలిచామని సంతృప్తి వ్యక్తంచేశారు. గ్రామ, వార్డు వికాసం కార్యక్రమాల సందర్భంగా ప్రజల్లోకి వెళ్లి ప్రభుత్వం తీసుకుంటున్న చర్యలను పార్టీ నాయకులు, కార్యకర్తలు వివరించాలని పిలుపునిచ్చారుఈ ఏడాది డిసెంబర్ లోగా రాష్ట్ర వ్యాప్తంగా అన్ని గ్రామాలు, వార్డులలో కార్యక్రమాన్ని పూర్తి చేయాలని ఆదేశించారు. 75 రోజులు క్షేత్రస్థాయిలో ప్రజాప్రతినిధులు పర్యటించి ప్రజలతో మమేకం కావాలని సూచించారు. రానున్న 60 రోజుల్లో అన్ని గ్రామాలు, వార్డులలో ప్రజలను చైతన్యపరిచే కార్యక్రమాలను ముమ్మరం చేయాలన్నారు. ఇంకా ఎవరినీ ఉపేక్షించేది లేదని, అందరూ ప్రజలతోనే ఉండి, వారి సమస్యలు పరిష్కరించాలని అన్నారు. రాయలసీమలో తీవ్ర వర్షాభావ పరిస్థితుల్లో కూడా చెరువులు నింప గలిగామని ప్రభుత్వం చేపట్టి పూర్తిచేస్తున్న ప్రాజెక్టుల వల్లే చెరువుల్లోకి నీరు చేరిందని తెలిపారు. రైతులకు మనం అండగా ఉంటామనే భరోసా ఇవ్వాలన్నారు.