హైద్రాబాద్, మార్చి 20 (way2newstv.com)
కార్తీకంలో దీపారాధనకు, మాఘ మాసంలో పుణ్యస్నానాలకు ఎంతో విశిష్టత ఉంది. ఇక, విష్ణువుకు ప్రీతికరమైన ఫాల్గుణంలో శ్రీమన్నారాయణను ఆరాధించే వారికి సకల సంపదలు కలుగుతాయి. బాలకృష్ణుడిని ఫాల్గుణ మాసం, పూర్ణిమ తిథిలో ఉయ్యాలలో వేసినట్లు పురాణాలు తెలుపుతున్నాయి. ఈ సందర్భంగా పశ్చిమ బెంగాల్‌లో హోలీ రోజున శ్రీకృష్ణుడి ప్రతిమను ఊయలలో వేసి డోలికోత్సవం జరుపుతారు. హోలి రోజున శ్రీకృష్ణుడు.. రాధను ఊయాలలో వేసి రంగులు పులిమినట్లు కూడా చెబుతుంటారు. నవగ్రహాల్లో సూర్యుడు, నక్షత్రాల్లో చంద్రుడు ఎంతో శ్రేష్ఠమైవారు. అలా ఫాల్గుణ మాసంలో వచ్చే పౌర్ణమి ఎంతో విశిష్టమైంది. విష్ణు ప్రీతికరమైన ఫాల్గుణంలో వచ్చే పౌర్ణమి రోజున ఉసిరికాయతో దీపం వెలిగించి, పూజించిన వారికి అష్టైశ్వర్యాలు సిద్ధిస్తాయి. జాతకం నాగ దోషం ఉంటే ఈ రోజున హోమాలు జరిపిస్తే తొలగిపోతాయి.
హోలి రోజున ఉసిరి కాయతో విష్ణువుకు దీపం
ఫాల్గుణ పౌర్ణమి రోజు శ్రీహరిని పూజించడం వల్ల ఐశ్వర్యం ప్రాప్తిస్తుందని పండితులు తెలియజేస్తారు. పౌర్ణమి తర్వాత కొన్ని రాశుల వారికి శుభ ఫలితాలు చేకూరుతాయని అంటున్నారు. పౌర్ణమి రోజున సాయంత్రం శ్రీమహాలక్ష్మిని ప్రార్ధిస్తే అమ్మవారి అనుగ్రహం కలుగుతుంది. అమ్మవారికి ఇష్టమైన సన్నజాజి పూలను మాలగా గుచ్చి సమర్పిస్తే చేపట్టిన కార్యాలు దిగ్విజయంగా పూర్తవుతాయి. కలకండ, దద్ధ్యోజనం నైవేద్యంగా సమర్పిస్తే శుభఫలితాలుంటాయి. ఆవునేయి లేదా కొబ్బరి నూనెతో కానీ దీపారాధన చేయాలి. ఈ నైవేద్యాన్ని ప్రసాదంగా తీసుకుంటే సకల దోషాలు, ఆర్థిక ఇబ్బందులు తొలగిపోతాయి. హోలీ పౌర్ణమి తర్వాత మేష రాశికి వారికి అదృష్టం కలిసొస్తుంది. మిథునరాశి వారికి జీవితంలో సుఖసంతోషాలు కలిగి, ఆర్థికాభివృద్ధి చేకూరుతుంది. చేపట్టిన కార్యాల్లో విజయాలను సొంతం చేసుకుంటారు. సింహ రాశి వారికి కూడా శుభ ఫలితాలుంటాయి. ఈ రాశుల వారు ఫాల్గుణ పౌర్ణమి రోజున సత్యనారాయణ వ్రతం ఆచరిస్తే సకల సంపదలు చేకూరుతాయి. తులారాశి వారికి ఇబ్బందు తొలగిపోయి, జీవితంలో ఉన్నత స్థానానికి వెళ్తారు. కాబట్టి పౌర్ణమి రోజున ఉసిరి కాయతో విష్ణువుకు దీపాన్ని వెలిగించడం ద్వారా సకల శుభాలు చేకూరుతాయి.
