ముంబై, అక్టోబరు 2, (way2newstv.com)
బ్బు సంపాదించడం కష్టం. లేదంటే అందరూ కోటీశ్వరులు అయ్యేవారే. డబ్బుతోనే డబ్బు సంపాదించొచ్చు. దీని కోసం ఇన్వెస్ట్ చేయాల్సి ఉంటుంది. ఇన్వెస్ట్ చేసేందుకు చాలా మార్గాలు అందుబాటులో ఉన్నాయి. అయితే ఎక్కువ రాబడి కావాలంటే మాత్రం ఈక్విటీల్లో పెట్టుబడి పెట్టాలి. అయితే ఇక్కడ పెట్టిన డబ్బు కూడా పోయే ప్రమాదముంది.అయితే స్టాక్ మార్కెట్‌లో జాగ్రత్తగా ఎంపిక చేసిన స్టాక్స్‌లో నిపుణుల సలహా మేరకు ఇన్వెస్ట్ చేయొచ్చు. మార్కెట్‌లో చాలా స్టాక్స్ ఇన్వెస్టర్లకు అదిరిపోయే లాభాలు అందించాయి. ఇందులో బజాజ్ ఫైనాన్స్ కూడా ఒకటి. ఎన్‌బీఎఫ్‌సీ సంక్షోభంలో కూడా ఈ కంపెనీ షేర్లు చెక్కుచేదరలేదు. అంటే ఇన్వెస్టర్లు ఈ స్టాక్‌ను ఎంతగా విశ్వసిస్తున్నారో ఊహించుకోండి.
లాభాల్లో బజాబ్ షేర్లు
గత దశాబ్ద కాలంలో చూస్తే బజాజ్ ఫైనాన్స్ షేర్లు టాప్ పర్ఫార్మర్‌గా ఉంది. ఈ షేరు గత పదేళ్లలో ఏకంగా 36257 శాతం లేదా 362 రెట్లు పెరిగింది. బజాజ్ ఫైనాన్స్ షేరులో 2009 అక్టోబర్ 1న రూ.లక్ష ఇన్వెస్ట్ చేసి ఉంటే ఇప్పుడు ఆ డబ్బు ఏకంగా రూ.3.64 కోట్లు అయ్యేది.బజాజ్ ఫైనాన్స్ మంగళవారం అరుదైన ఘనత సాధించింది. దేశీ అతిపెద్ద బ్యాంక్ అయిన స్టేట్ బ్యాంక్ ఆఫ్ ఇండియా (ఎస్‌బీఐ)ను వెనక్కు నెట్టింది. మార్కెట్ క్యాప్ పరంగా చూస్తే ఇప్పుడు ఎస్‌బీఐ కన్నా బజాజ్ ఫైనాన్స్ ముందంజలో ఉంది. దేశంలో ఇప్పుడు బజాజ్ ఫైనాన్స్ ఐదో అతివిలువైన స్టాక్‌గా కొనసాగుతోంది.బజాజ్ ఫైనాన్స్ మార్కెట్ క్యాపిటలైజేషన్ రూ.2.32 లక్షల కోట్లకు చేరింది. స్టేట్ బ్యాంక్ మార్కెట్ క్యాప్ 2.28 లక్షల కోట్లుగా ఉంది. బ్యాంకింగ్ స్టాక్స్‌లో మంగళవారం అమ్మకాలు కొనసాగడంతో ఎస్‌బీఐ షేరు 5.5 శాతం పతనమైంది. దీంతో బజాజ్ ఫైనాన్స్ ముందుకు వెళ్లిపోయింది.ఎన్‌బీఎఫ్‌సీ రంగంపై ఇన్వెస్టర్లు ఆందోళన వ్యక్తం చేస్తున్నప్పటికీ బజాజ్ ఫైనాన్స్‌పై నమ్మకంతో ఉన్నారు. కంపెనీ అధిక రుణ నాణ్యత, ఎక్కువ లాభదాయకత వంటి అంశాలు ఇన్వెస్టర్లకు సభరోసా ఇస్తున్నాయి. బజాజ్ ఫైనాన్స్ షేరు గత ఐదేళ్లలో 1341 శాతం ర్యాలీ చేస్తే.. ఎస్‌బీఐ షేరు కేవలం 5 శాతం మాత్రమే పెరిగింది.బజాజ్ ఫైనాన్స్ లోన్ బుక్ ఎస్‌బీఐ లోన్ బుక్‌తో పోలిస్తే కేవలం 5 శాతం మాత్రమే ఉంటుంది. అదేసమయంలో బజాజ్ ఫైనాన్స్ వార్షిక వడ్డీ ఆదాయం ఎస్‌బీఐ వార్షిక వడ్డీ ఆదాయంలో 7 శాతంగానే ఉంటుంది. అయినా కూడా బజాజ్ ఫైనాన్స్ ఎస్‌బీఐ‌ను దాటేయడం గమనార్హం.
